छुरा प्रहारबाट बृद्धाको हत्या

विराटनगर २९ वैशाख ।  मोरङको कसेनीमा अज्ञात व्यक्तिले छुरा प्रहार गरी एक बृद्धाको हत्या गरेको छ । मंगलबार राति घरमा सुतिरहेकी कसेनी ३ बोरावनका पदमवहादुर भुजेलकी ७५ वर्षीया श्रीमति बुद्धमाया भुजेललाई अज्ञात व्यक्तिले आई छुरा प्रहार गरी हत्या गरेको हो । घरमा बुहारीमात्र भएको समयमा आई उक्त व्यक्तिको छुरा प्रहारबाट बृद्धा भुजेलको घट्नास्थलमै मृत्यु भएको मोरङ प्रहरीले जनाएको छ । छुरा प्रहार कसले र किन गरेको भन्ने खुल्न सकेको छैन । घटनाको अनुसन्धान भइरहेको प्रहरीले जनाएको छ ।