लाखौंको धनमाल लुटपाट

विराटनगर २९ वैशाख ।  नकावधारी लुटेरा समुहले मंगलबार राति मोरङको दादरबैरिया स्थित एक घरमा लुटपाट गरेको छ । दादरबैरिया ४ का दोका राजबंशीको घरमा ५÷६ जनाको नकाबधारी समुहले घरका सबै परिवारलाई नियन्त्रणमा लिएर लुटपाट गरेको मोरङ प्रहरीले जनाएको छ । लुटेराहरुले राजबंशीको घरवाट नगद ९ हजार ३ तोला सुनचाँदीका गरगहना र अन्य जिन्सीसामानहरु गरी करिब एक लाख रुपैंयाँ बराबरको धनमाल लगेको जनाइएको छ । लुटेरा समुहको खोजी भइरहेको प्रहरीले जनाएको छ ।