विपीका कर्मचारीहरु आन्दोलनमा

धरान २८ जेठ। सेवा सुविधा बृद्धि नभएको भन्दै सुनसरीको धरान स्थित वीपी कोइराला स्वस्थ्य विज्ञान प्रतिष्ठानमा कार्यरत कर्मचारीहरुले आन्दोलनको घोषणा गरेका छन् । आपुना मागहरुको सुनुवाई नभएको भन्दै कर्मचारीहरुले असार १ गतेदेखि आन्दोलनमा उत्रने घोषणा गरेका हुन् । कर्मचारीहरुले उपकुलपतिको कार्यकक्षमा तालाबन्दी गर्ने र सोही दिनदेखि असार ७ गते हातमा कालोपट्टी बाधेर काम गर्ने घोषणा गरेका छन् । यस्तै असार ८ गते शिक्षाध्यक्ष रजिष्टार र अस्पताल निर्देशकको कार्यालयमा अनिश्चितकालिन तालाबन्दी गर्ने कर्मचारीले बताएका छन् । एक हप्ताको समयमा समेत माग पूरा नभएमा ९ गते संयुक्त छलफल गरी दोस्रो चरणको आन्दोलनको घोषणा गरिने उनीहरुले शुक्रबार जारी गरेको विज्ञप्तीमा उल्लेख छ । प्रतिष्ठानमा कार्यरत संस्था कर्मचारी कल्याण माच नसर्िङ्ग वेलफेयर कमिटी र स्वास्थ्य प्राविधिक कल्याण समितिको शुक्रबार भएको संयुक्त छलफलले आन्दोलनको कार्यक्रम घोषणा गरेको हो ।

विज्ञप्तीमा माचका अध्यक्ष दिनेशराज दाहाल र सचिव सुजेन्द्र तामाङ वेलफेयर कमिटीबाट अध्यक्ष श्याम लम्साल र सचिव इजरायल साह एवं कल्याण समितिका अध्यक्ष मदन हलुवाई सचिव उदयशंकर िसंह र हिप्टाका अध्यक्ष डा।माधव लम्सालले हस्ताक्षर गरेका छन् ।

सरकारले चालू आर्थिक बर्ष ०६६÷०६७ मा वृद्धि गरिएको तलबभत्ता जेष्ठ मसान्तभित्र उपलब्ध गराउनुपर्ने प्रतिष्ठानको विद्युत चुहावट आर्थिक चुहावट र अनियमित हुन नदिनका लागि प्रभावकारी अनुगमन गर्नुपर्ने शैक्षिक कार्यक्रममा कर्मचारीहरुको विशेष कोटाको व्यवस्था गर्नुपर्ने लगायतका माग राखेका छन् । आपुना मागका बारेमा व्यवस्थपन पक्षलाई पटक-पटक जानकारी गराउँदा समेत चासो नदिएकोले बाध्य भएर आन्दोलनमा उत्रनु परेको कर्मचारी कल्याण माचका सचिव सुजेन्द्र तामाङले बताउनु भयो । उनीहरुले गत जेठ ४ गते व्यवस्थापन समक्ष आपुना माग पेश गरेका थिए ।