गोली लागी युथफोर्स मोरङ अध्यक्ष घाइते/हतियारसहित दुई पक्राउ

विराटनगर । नेकपा (एमाले) को भ्रातृ सङ्गठन युथ फोर्सका मोरङ अध्यक्ष परशुराम बस्नेतसहित दुई व्यक्तिलाई अज्ञात व्यक्तिको एक समूहले बिहीबार साँझ अन्धाधुन्ध गोली प्रहार गरी घाइते बनाएको छ । अर्का घाइते विराटनगर वडा नं. १५ निवासी परशुराम राई हुन् । घाइते दुबैको स्थानीय न्यूरो रिसर्च सेन्टर विराटनगरमा उपचार भइरहेको छ ।

विराटनगर-१५ स्थित आफ्नो घर कम्पाउन्डमा बसिरहेका बेला दुई व्यक्तिले गोली प्रहार गरी मोटरसाइकलमा भागेको प्रहरीले जनाएको छ ।  बिहीबार साँझ ६ः३० बजे भएको सो घटनामा ३८ वर्षीय अध्यक्ष परशुराम बस्नेतको घुँडामा गोली लागेको छ भने अर्का परशुराम राईको खुट्टामा गोली लागेको छ ।

घटनाको कारण विराटनगर बजार तनावग्रस्त बनेको र हाल प्रहरीको सक्रियता बढाइएको जिल्ला प्रहरी कार्यालय, मोरङले जनाएको छ ।सो घटनाको विरोधमा साँझदेखि बजार बन्द भएको छ ।

घटनाका अभियुक्तको खोजी जारी रहेको प्रहरीले जनाएको छ ।