सेनाविरुद्ध माओवादी प्रदर्शन

नेपाली सेना हतियारसहित बाहिर निस्केको भन्दै एकीकृत नेकपा माओवादीका कार्यकर्ताहरुले कैलालीको घनगढी बन्द गराएका छन्। नेपाली सेनाको टोली सडकमा हतियार सहित हिँडेको भन्दै त्यसको विरोधमा माओवादीहरुले धनगढीको ट्राफिक चौराहामा चक्काजाम गरेर प्रदर्शन गरिरहेका छन्।शान्ति सम्झौता विपरीत सेना हतियारसहित सडकमा हिँडेको भन्दै माओवादी कैलालीले यसबारे सरकारले जवाफ दिनुपर्ने माग समेत गरेको छ।नेपाली सेनाले भने ब्यारेक स्थानान्तरण गर्ने क्रममा सेना निस्किएको बताएको छ।