हतियारसहित नेपाल छिरेका भारतीय प्रहरी पक्राउ

हतियारसहित नेपाली भूमिमा प्रवेश गरेका आठ भारतीय प्रहरीसहित १२ जनालाई कन्चनपुर प्रहरीले दोधारा गाविसबाट नियन्त्रणमा लिएको छ । उनीहरुलाई जिल्ला प्रहरी कार्यालय कन्चनपुरमा राखिएको छ ।

डीआईजी विमला थापाका अनुसार भारतीय सुरक्षाकर्मीहरु दोधारा गाविसस्थित सुन्दरपुरमा जयबहादुर खड्काको घरमा खानतलासी गर्न हतियार र बर्दिसहित आएका थिए ।

भारतको उत्तर प्रदेशस्थित बरेलीबाट उनीहरु नेपाल आएको थापाले बताउनुभयो । प्रहरी नियन्त्रणमा रहेकामध्ये आठ जना भारतीय प्रहरी, चारजना गाडी चालक र अन्य सहयोगी रहेका छन् ।

मोटरसाइकल चोरीको छानबिन गर्न आफूहरु नेपाल आएको उनीहरुले बताएका छन् ।