अब ११ घण्टा लोडसेडिङ

नेपाल विद्युत प्राधिकरणले विहीबारदेखि दैनिक ११ घण्टा लोडसेडिङ गर्ने भएको छ । यसअघि दैनिक ९ घण्टा लोडसेडिङ हुँदै आएको थियो ।नदी र जलाशयमा पानीको बहाव घट्दै गएकोले विद्युत उत्पादनमा कमी आएको भन्दै प्राधिकरणले लोडसेडिङको अवधि थप दुई घण्टा बढाएको हो । योसँगै सातामा ७७ घण्टा लोडसेडिङ हुनेछ ।

शनिबारदेखि भक्तपुर सब स्टेशनमा बसवार जडान कार्यका लागि खिम्ती र भोटेकोशीको जलविद्युत गृह पुरै बन्द गर्नुपर्ने भएकाले सो दिन थप विद्युत कटौति हुने नेपाल विद्युत प्राधिकरण भार प्रेषण केन्द्रका प्रमुख शेरसिंह भाटले जानकारी दिनुभयो । पानीको वहावमा अझै कमी आए लोडसेडिङको अवधि थप बढाउन सकिने उहाँले बताउनुभयो ।