दुर्घटनामा एकको मृत्यु

सुनसरीको इटहरी नगरपालिका- ८ स्थित पशुपति मोडल अस्पताल अगाडि हिजो साँझ ट्रकको ठक्करमा परी एक पैदल यात्रुको मृत्यु भएको छ ।

इलाका प्रहरी कार्यालय, इटहरीका अनुसार खनारतिरबाट इटहरी आउँदै गरेको को.१ख १३६४ नम्बरको ट्रकले इटहरी-७ का ५० वषर्ीय वेतना चौधरीलाई ठक्कर दिएपछि उपचारका लागि धरान लैजाँदै गर्दा बाटोमै उनको मृत्यु भएको थियो ।

ट्रक र चालकलाई आवश्यक कारबाही सुरु गरिसकिएको इलाका प्रहरी कार्यालय, इटहरीले जनाएको छ ।