चालकसहित आठ यात्रु घाइते

दमक १७ वैशाख ।  झापाको दमक गौरिगाज सडक खण्डको गौरादहमा शुक्रबार मध्यान्ह भएको सडक दुर्घटनामा चालकसहित एक दर्जन यात्रु घाईते भएका छन् । घाईते हुनेमा गौरीगाज ५ का चालक आकास चौंलागाई गौरादह ७ की २२ वर्षीया किरण ठाकुर सोही स्थानकी २७ वर्षीया सपना अधिकारी लगायतका छन् ।

टाउकोमा गहिरो चोट लागेर गम्भीर घाईते चालक चौंलागाई ठाकुर र अधिकारीको विराटनगर स्थित न्युरो अस्पतालमा उपचार भईरहेको प्रहरीले जनाएको छ । अन्य घाईतेको गौरादह स्वास्थ्य केन्द्रमा उपचार भइरहेको छ ।

गौरीगाजबाट दमकतर्फ आउँदै गरेको मे १ ख १०८६ नम्बरको बस गौरादह ३ मा मध्यान्ह १२ वबे मोटरसाइकललाई जोगाउने क्रममा पल्टँदा दुर्घटना भएको प्रहरीले जनाएको छ ।